Liga e Tretë e Maqedonisë

KORABI – Pitu Guli 8-2
Gol: Abib Klloboçishta (2), Albert Kaba (2), Faiz Ravmanoski, Shaban Verlaku, Uranik Turkeshi, Fuat Spahiu

Arbër Kuka
Dibër, 8 Maj 2011 – Korabi dhe “Sokolat”, në mënyre spektakulare përfunduan me sukses ligën e tretë, duke u pozicionuar në vendin e parë, vend që i kfalifikon në ligën e dytë.

Falë angazhimit të tifo-grupit “Sokolat” dita e diel u bë një ditë festive. Festa filloi që në mëngjes në sheshin “Skenderbeg” ku një numër shumë i madh i antarëve të grupit “Sokolat” kishin mbushur sheshin dhe në mënyre tifozerike, me këngë, ngjallën atmosferën sportive në qytet, atmosferë që kishite munguar shumë vite.

Nuk mbahet mend se prej kur nuk e kishim parë stadiumin e qytetit të stërmbushur, ku mbi tre mijë spektatorë kishin mbushur shkallët e stadiumit gjysëm ore përpara se të fillojë ndeshja. Me vet prezencën e tyre kaq heret u tregua se me padurim kanë pritur që të luhet loja e fundit në ligën e tretë dhe të festojnë bashkarisht me lojtarët e ekipit hyrjen në ligën e dytë.

Ndeshja filloi me një koreografi spektakulare të organizuar nga “Sokolat”, koreografi që prej kur ekziston stadiumi i qytetit nuk ishte bërë një gjë e tillë. Në përmasa shumë të mëdha, ishte e vizatuar llogoja e ekipit me një mjeshtëri shumë të madhe nga një antar i grupit “Sokolat”. Mesazhi i koreografisë ishte “Faleminderit” thotë Arber Kuka, kryetar i “Sokolave” që kjo “faleminderit” shkon për të gjithë lojtarët e ekipit që me shumë sakrificaa aritën të mbajnë gjallë emrin e Korabit plot trembëdhjetë vite, duke luajtur pa asnjë pagesë dhe pa asnjë mbështetje. Faleminderit shkon edhe për trajnerin e klubit, Ekuran Ushtelenca, i cili me angazhimin e tij ariti rezultatin maksimal. Faleminderimi shkon edhe për kryesinë aktuale, me kryetar Sejfulla Jani, i cili ka dhënë maksimumin për këtë sezonë që ekipi i Korabit të fitojë vendin e parë.

Ashtu si në ndeshjen e kaluar kunder Kravarit, edhe në këtë ndeshje ekipi i Korabit “numëroi” deri në tetë, duke shënuar plotë tetë gola në portën kundërshtare. Nuk kaluan as 5 minuta nga fillimi i ndeshjes, sulmuesi më i sukseshëm i ekipt Abib Klloboçishta shënoi golin e parë dhe gëzimin e golit e ndau me “Sokolat” duke nxjerë një bluze me mbishkrimin “I Love Sokolat”, ky gjest ishte në shenjë respekti për “Sokolat” që kanë qenë të pandashëm në këtë sezonë, si në Dibër ashtu edhe jashtë Dibre.

Golat tjera erdhën ekspres nga lojtaret tjerë, Albert Kaba 2, Faiz Ravmanoski, Shaban Verlaku, Uranik Turkeshi dhe Fuat Spahiu mbushën portën kundërshtare.

Në fillim të pjesës të dytë “Sokolat” ndozen stadiumin me flakadane dhe hapën një parullë ku shkruante “21 vite SOKOLAT”. Arbër Kuka tha që për ne si grup kaq i organizuar, është vetem filimi, filloi koha e jonë.

Mbas përfundimit të ndeshjes, lojtarët me shumë meritë festuan bashkë me qytetarët dhe sportdashësit brenda në fushën e gjelbërt. Festa vazhdoi edhe nëpër rrugët e qytetit dhe në mbremjë deri në orët e vona të mëngjesit lojtarët bashkë me “sokolat” festuan me muzikë të gjallë në një restorant të Dibrës.

Liga e Tretë e Maqedonisë

KORABI – Kravari 8-1 (4-1)
Gol: Albert Kaba (4), Abib Klloboçishta (2), Fuat Spahiu, Adrian Mulladauti

Dibër, 4 Maj 2011 – Sikur duket shiu, ekipit të Korabit i sjell shumë fat, ashtu si në tre ndeshjet e kaluara në Dibër edhe në këtë ndeshje, koha ishte me shumë shi, por kjo gjë nuk i pengoi asnjë sportashës Dibran që të jetë i pranishëm në stadiumin e qytetit.

Kjo ishte ndeshja më e rëndësishme e gjithë sezonit, në këtë ndeshje vendoseshte vendi i parë.
Kravari, ekipi i Manastirit në këtë ndeshje erdhi si ndjekësi më i afërt i Korabit, me 3 pikë disavantazh, dhe vlen të theksohet se në sezonin e parë, Kravari ishte ekipi i vetëm që mposhti Korabin në terenin e tyre.

Stadiumi ishte mbushur përplot, afro 2000 shikues kishin ardhur në këtë ndeshje për të përkrahur dhe për tu dhënë më shumë vullnet lojtarëve të Korabit që të fitojnë këtë ndeshje shumë me vlerë. Në gjithë fitoret e kaluara, Korabi ka qenë një ekip shumë mirë i organizuar dhe ka zhvilluar lojëra shumë të mira. Por, në këtë ndeshje pamë një Korab krejt ndryshe, një Korab më dinamik, sikur duket lojtarët e klubit ishin të motivuar teje mase për këtë ndeshje.

Nuk kaluan as 2 minuta nga fillimi i ndeshjes, Albert Kaba shënoi golin e parë, golin e avantazhit. Ky gol i bëri me krahë futbollistët e Korabit të cilët, përmes Abib Klloboçistës, në minutën e 5-të dhe Albert Kaba në minutën e 10-të çuan epërsinë në 3-0. Nuk kishte ngelë asgjë tjetër perveçse të fillonte festa në shkallt e stadiumit. Përderisa në shkallët e stadiumit festoheshte, këndoheshte pandalë nga “Sokolat”, Alber Kaba shënoi hat-trick në minutën e 20-të, dhe çoi epërsinë në 4-0.

Edhe pse epërsia ishte shumë e madhe, rastet për të shënuar ekipi i Korabit ishin të shumta, por portieri kundërshtar nuk lejoi që të turperohet ekipi i tij prej në pjesën e parë. Nga një kundërsulmi i shpejtë, mysafirët shënuan golin e parë në këtë ndeshje, golin e nderit.

Në fillim të pjesës të dytë, tribina e stadiumit u mbulua me tymëra të kaltërt dhe të bardhë, gjithë kjo e organizuar nga “Sokolat”, ndërsa lojtarët e Korabit për t’ju faleminderuar “Sokolat” në pjesën e dytë shënuan edhe katër gola të tjera. Goleadën e nisi Adrian Mulladauti. Ashtu si në pjesën e parë edhe në të dytën golat u shënuan për një kohë shumë të shpejtë. Golshënuesi më i mire i ekipit, Abib Klloboçishta shënoi golin e 6-të nga një goditje dënimi. Golin e shtatë e shënoi lojtari më i dalluar në këtë ndeshje, Albert Kaba, dhe i 4-ti personal. Në minutën e fundit goleadën e përfundoi kapiteni i ekipës Fuat Spahiu.

Me sa duket, lojtarët e Korabit në këtë ndeshje poshtërsuan ekipin rival vetëm për të treguar se për tu kfalifikuar në Ligen e Dytë duhet të fitosh ndeshjet direkte me meritë dhe me një diferencë kaq të madhe golash.

Ky gëzim kishte munguar 13 vite, ishte gëzimi më i madh sepse me këtë fitore siguruan vendin e parë dhe prej në vitin tjetër do të garojmë një kategori më lartë, në Ligen e Dytë.
Ndersa per ndeshjen e fundit ne Diber, diten e diel 8 maj kunder Pitu Gulit, do festohet liga e dyte. Se si do festohet sigurisht qe “Sokolat” kane pregaditur dicka me speciale.

Liga e Tretë e Maqedonisë

Leshani (Ohër) – Korabi 0-2 (0-2)
Gol: Albert Kaba, Abib Klloboçishta

Arbër Kuka
Ohër, 16 Prill 2011 – Korabi tajkaloi edhe një pengesë, këtë fundjave luajti kundër ekipit nga Ohri, Leshani.

Ekipi i Leshanit njihet si një ekip i fortë në fushën e vet, ku deri në ndeshjen kundër Korabit nuk kishte asnjë humbje. Por, lojtarët Dibran, ashtu siç i kanë luajtur gjithë ndeshjet tjera e luajten edhe këtë ndeshje. Loja kolektive, pa gabime dhe të organizuar mirë bënë që të fitojnë me rezultat 0-2.

Që në pjesën e parë vulosën fitoren e merituar. Mbas disa raste të humbura për të shenuar në portën e Leshanit, erdhi moment i golit të parë. Kapiteni i ekipit, Fuat Spahiu me një krosim nga qendra e mesfushës, gjeti të lire sulmuesin Albert Kaba i cili me mjeshtëri pranoi topin dhe në të njejtën kohë shënoi golin e parë në këtë ndeshje.

Për të siguruar fitoren që në pjesën e parë, aksionet e lojtarëve të Korabit ishin të njëpasnjëshme. Një rast për të shënuar e shfrytëzoi Abib Klloboçishta, golshënuesi më i mirë i ekipit, gjithashtu edhe lojtari me më shumë gola të shënuara në ligën e tretë, jug-perëndim. Me këtë rezultat përfundoi pjesa e parë.

Në pjesën e dytë detyra e lojtarëve Dibran ishte që të mbrojnë me këtë rezultat. Mbrojtësit e Korabit u treguan të vendosur mirë në mbrojtje dhe nga eksperienca që kanë nuk lejuan që ekipi i Leshanit të shënojë në këtë ndeshje.

Në javën e ardhshme, ekipi i Korabit do pauzoje. Por me shumë interesim do ta ndjekin rezultatin e ndeshjes derbi midis Kravarit dhe Podmoçanit, vendi i dytë dhe i tretë.

Ndërsa ndeshjen e radhës, mbas dy jave, do ta luan si mysafir kundër ekipt tjetër pretedent për të fituar vendin e parë, ekipit nga Resnja, Podmoçani.

Kjo do të jetë një ndeshje shumë e veshtirë, por pregaditjet për këtë ndeshje do të fillojnë prej nesër.

Liga e Tretë e Maqedonisë

Korabi – Karaorman 3=1 (1-0)
Gol: Fuat Spahiu, Abib Klloboçishta, Albert Kaba

Arbër Kuka
Dibër, 13 Prill 2011 – Lojtarët e Korabit tani më janë në qiellin e shtatë, janë ata qe i bëjnë gjithë qytetarët Dibran të jenë krenar per ekipin e tyre, Korabin. Vazhdojnë me ndeshje të shkëlqyera, vazhdojnë të japin maksimumin dhe vazdhojnë të marin rezultate positive.

“Pacienti” i radhës ishte Karaormani i Strugës, ekip i cili sa herë luan në Dibër, tregon se është ekip shumë mirë i pregaditur. Por në këtë ndeshje nuk kishte se çka të tregojë, se të gjitha i treguan lojtarët e Korabit. Të motivuar nga spektatorët që në një kohë shumë të keqe, shiu që nuk ndaloi për asnjë minutë, kishin mbushur përsëri shkallët e stadiumit, nga tifo grupi i tyre “Sokolat”, të cilët në mënyrën e tyre treguan se ekipi i Karaormanit nuk është i mirëseardhur në qytetin e Dibrës.

Lojtarët e përzgjedhur nga trajneri i klubit, Ekuran Ushtelenca, realizuan gjithë detyrat që u ishin kërkuar.

Mbrojtja bashkë me portierin, ishin në nivel shumë të lartë. Mesfushorët organizuan dhe udhëhoqen gjithë ndeshjen në mënyre perfekte. Ndërsa edhe nga ata që pritet më shumë, sulmuesit, dhanë maksimunin duke shënuar tre gola.

Kapiteni t ekipit, Fuat Spahiu, në një aksion solo, ariti që të deportojë në zonën e reptësisë dhe shënoi golin e parë në këtë ndeshje. Në këto momente “Sokolat” festuan golin duke hedhur letra te cilat e zbardhën fushën. Përderisa mysafirët nuk arinin që të organzojnë aksione, lojtarët vendas vazhdonin të sulmojnë portën kundërshtare. Por, me golin e kapitenit mbaroi dhe pjesa e parë.

Vetëm 6 minuta kishin kaluar nga fillimi i pjesës së dytë, kur goleadori i skuadrës, Abib Klloboçishta, shënoi golin e dytë në këtë ndeshje, gol i cili u dha mundësi edhe njëherë “Sokolave” të bëjnë një festë impozante, këtë herë ndozën flakadane dhe bënë që të digjet tribuna ku qëndrojnë “Sokolat”.

Duke mos mjaftuar avantazhi me dy gola, loja e Korabit se vinte dhe bëheshte më e avancuar. Rezultat i kësaj ishte edhe goli i tretë, që u shënua nga sulmuesi tjetër, Albert Kaba.

Ekipi i Karaormanit për të mos dalur i turpëruar nga fusha e Dibrës, ariti që të zvogëlojë avantzhin në 3-1, nga një kundërsulm i shpejtë.

Ashtu siç kishin paralajmëruar, “Sokolat” me organizmin kanë filluar ta festojnë vendin e parë, vend i cili ekipin e tyre e çon në ligën e dytë.

Në ndeshjen e radhës, Korabit do të udhëtoje për në Ohër, ku do të luajë kundër Leshanit.

Liga e Tretë e Maqedonisë

Dobrusheva (Manastir) – Korabi 1-2 (0-0)
Gol: Albert Kaba, Adrian Mulladauti

Arbër Kuka
Manastir, 10 Prill 2011 – Edhe një ndeshje e mirë, edhe një ndeshje e sigurtë e ekipit Dibran, Korabi, këtë herë si mysafir në Manastir, kundër ekipit të Dobrushevës. Një fitore me rezultat minimal, por me tre pikë shumë me vlerë.

Qëllimi i lojtarëve Dibran, hyrjen në ligën e dytë, se vjen e bëhet edhe më i fortë dhe më i sigurtë. Në ç’do ndeshje tregojnë se e meritojnë vendin e parë në tabelë.

Kundër Dobrushevës, mundesitë për të fituar edhe më bindshëm ishin shumë të mëdhaja. Por prej në pjesën e parë humbën shumë raste për të shënuar gola. Disa herë sulmuesit e Korabit, Abib Klloboçishta dhe Albert Kaba, dolën përballë portës kundërshtare, por realizimi final ishte i dobët dhe në disa raste fati nuk ishte në anën e tyre. Ndërsa vendasit, vetëm njëherë rezikuan portën e Korabit.

Vlerat e ekipive u treguan pjesën e dytë. Vetem 7 minuta, sapo kishte filluar pjesa e dytë, Albert Kaba shënoi golin e avantazhit. 10 minuta më vonë u dyfishua rezultati, këtë herë protagonist i golit ishte Adrian Mulladauti.

Pas këtij rezultati, loja e Korabit u vendos në mbrojtje. Në minutat e ngelura, raste për të shënuar kishin të dy ekipet, por ekipi vendas ariti që të shënojë një gol, por gol i cili vlejti sa për statistkat e golaverazhit, sepse me rezultatin 1-2 mbaroi kjo ndeshje.

Korabi tani është edhe më i sigurtë në vendin e pare me 42 pikë, 5 pikë më shumë se Podmoçani, ekipi tjetër pretendent për ligën e dytë, i cili humbi si mysafir në Ohër, kunder ekipit të Leshanit.

Derbi i javës së ardhshme luhet në Dibër, ku Korabi do të pres ekipin e Strugës, Karaorman. Në këtë ndeshje është lajmeruar se do të fillojë festa për ligën e dytë nga tifozët e klubit “Sokolat”.

Liga e Tretë e Maqedonisë

KORABI – Vardino 2-0 (1-0)
Gol: Abib Klloboçishta, Abdul Lleshi

Arbër Kuka
Dibër, 3 Pril 2011 – Lideri i ligës të tretë jug-perëndim, Korabi arriti të sigurojë fitoren e radhës kundër ekipit nga Manastiri, Vardino. Edhe një fitore e cila e sjell edhe më afer rrugës ku ka nisur, ligën e dytë.

Edhe pse koha ishte me shi që nga fillimi i ndeshjes, sportdashësit Dibran kishin mbushur shkallët e stadiumit, gjë që tregon se as shiu nuk mundet të ndalë euforinë e qytetarëve të Dibrës, për të përkrahur ekipin e tyre që me padurim presin ta shikojnë në ligën e dytë.

Ndrësa “Sokolat”, ashtu si në ndeshjet tjera, edhe në këtë ndeshje ishin të zëshëm dhe përkrahën ekipin e tyre të zemrës deri në minutën e fundit.

Ndërsa në fushën e gjelber, lojtarët Dibran bënë një ndeshje shumë të mirë dhe aritën të fitojnë me rezultat 2-0. Abib Klloboçishta që në mimutat e para shënoi golin e avantazhit, gol i cili u lehtësoi shumë për në vazhdimin e ndeshjes. Loja më së shumti u perqendrua në mesin e fushes, por edhe rastet për të shënuar nuk mungonin.

Edhe në pjesën e dytë zhvillohej e njejta lojë, mysafirët mbroheshin ndërsa sulmsuesit e Korabit rezikonin portën e kundërshtarit. Goli i dytë erdhi nga një gofitje e lirë, të cilën me një mjeshtëri e gjuajti Abdul Lleshi , dhe çoi ekipin e tij në avantazh me dy gola, dhe me këtë rezultat përfundoi kjo ndeshje.

Liga e Tretë e Maqedonisë

Veleshta – Korabi 1-3 (0-1)
Gol: Fuat Spahiu, Albert Kaba, Drilon Koleci

Arber Kuka
Veleshtë, 27 Mars 2011 – Në xhiron e 19-të, ekipi i Korabit zhvilloi ndeshjen e radhës, në ligën e tretë jug-perëndim, kundër ekipit të Veleshtës.

Në këtë ndeshje lojtaret e Korabit udhëtuan me një vullnet të madh, të motivuar në maksimum, shkuan si lider në ligën e tretë jug-perëndim, dhe këtë gjë e vertëtuan me fitore.

Ndeshja u zhvillua në një atmosfere të mirë, gjë që u la hapësirë të dy ekipeve të zhvillojnë lojën e tyre. Të parët në avantazh kaluan lojtarët e Korabit nëpërmjet kapitenit të ekipës, Fuat Spahiu.

Në pjesën e dytë u zhvillua një futboll edhe më i hapur, që në fillim të pjesës të dytë, sulmuesi I ekipit te Veleshtës shfrytezoi një mosmarveshje nga ana e mbrojtësit dhe portierit të Korabit dhe barazoi rezultatin. Menjëherë mbas barazimit, lojtarët e Korabit kërkonin me ç’do kusht golin e avantazhit, pasi që e dinin se vetem me fitore në këtë ndeshje do të vazhdonin si lider ne tabelën e rënditjes. Me një lojë të mirë, aritën të shënojnë golin e avantazhit nëpërmjet sulmuesit Albert Kaba.

Ndërsa rezultatin përfundimtar e vulosi i posafuturi nga pankina, Drilon Koleci.

Mbas kësaj ndeshje, Korabi vazhdon të jetë lider në ligën e tretë jug-perendim, me dy pikë më shumë se ekipi nga Prespa, Podmoçani, të cilët fituan edhe ata si mysafir në këtë xhiro.

Në xhiron e 20-të, Korabi do të zhvillojë ndeshjen e radhës në Dibër kunder ekipit nga Manastiri, Vardino.

Liga e Tretë e Maqedonisë

Prespa – Korabi 0–1 (0-0)
Gol: Fuat Spahiu

Arbër Kuka
Resnje, 13 Mars 2011 – Klubi futblloistik Korabi, këtë javë ishte mysafir në Resnje ku zhvilloi një ndeshje shumë të rëndësishme me Prespën.

E rëndësishme për tu cekur është se, si mysafir në këtë ndeshje nuk udhëtuan vetëm lojtaret e klubit, por lojtarëve ju bashkangjitën tifo-grupi i tyre “Sokolat”, të cilët janë në formën më të mirë të mundshme, se përveçse organizimeve në Dibër, ata organizohen në një numër të madh edhe jasht Dibre.

Kjo ndeshje ishte shumë e rëndësishme për ekipin e Korabit, pasi që fitorja në këtë ndeshje ishte shumë me vlerë për të vazhduar garën për të fituar vendin e parë, vend i cili automatikisht të shtyn në ligën e dytë.

Që në fillim të ndeshjes u pa se ndeshja do ishte e fortë nga ana fizike përshkak se vendasit, të pamundur që ti ndërpresin aksionet e lojtarëve Dibran, ishin të detyruar të bëjnë shumë ndërpreje taktike. Aksionet dhe rastet për të shënuar sa vinin e shtoheshin, por portieri vendas ishte në formë të mire. Dhe me rezultat të bardhe (0-0) përfundoi pjesa e parë.

Në pjesën e dytë, trajneri i ekipit Korabi, Ekuran Ushtelenca, ndryshoi taktikën dhe kërkoi nga lojtarët e tij që të kërkojnë golin të parët. Këshillat e trajnerit dolën të sukseshme, nga një kundërzbritje të shpejtë, me anë te kapitenit Fuat Spahiu, aritën të shënojnë golin e avantazhit.
Gol i cili ju dha tre pikët shumë më velerë në këtë ndeshje. Mbasi që deri në fund të ndeshjes nuk u shënua asnjë gol tjetër.

Ekipi i Korabit tani është 5 pikë (një ndeshje më shumë) në avantazh nga ndjekësi i cili në këtë xhiro humbi në Veleshtë.

Xhiron e radhës Korabi është i lirë.

Liga e Tretë e Maqedonisë

Korabi – Mlladost 4-1(4-0)
Gol: Fuat Spahiu 6′, Albert Kaba 10′, Abib Klloboçishta 20′ & 30′

Arbër Kuka
Dibër, 14 Nëntor 2010 – Ekipi i Korabit në xhiron e 15-të, e fundit për gjysëm-sezonin e parë, ishte nikoqir i ekipit nga Manastiri, Mlladost.

Ashtu si në të gjitha ndeshjet e kaluara, edhe në këtë ndeshje shkallët e stadiumit të qytetit e kishin mbushur spektatoret Dibran.

Lojtarët e Korabit treguan kualitet në këtë ndeshje, për 30 minuta lojë aritën të shënojnë katër herë. Golin e parë e shënoi Fuat Spahiu në minutin 6′ kurse katër minuta më vonë rezultatin e dyfishoi Albert Kaba. Ndersa në minutat 20′ dhe 30′ Abib Klloboçishta, nga disa aksione të organizuara mire, shenoi në portën kundershtare.

Lojtarët Dibran u treguan të mëshirshëm për ekipin nga Manastiri. Mbas shënimit të golit të katërt e ndryshuan lojën dhe deri në fund të ndeshjes lojën e përqëndruan në mesin e fushës. Minutat e fundit, rastin e vetem që e patën për të shënuar mysafiret, e realizuan dhe aritën që të shënojnë një gol në këtë ndeshje.

Në këtë ndeshje trajneri i ekipit, Ekuran Ushtelenca u dha mundësi të luajnë edhe lojtarë e ri me moshë 16-17 vjeçare të cilët treguan kualitet.

KF Korabi për gjysmë-sezonin e parë rënditet i dyti, me 1 pikë më pak se lideri i tabelës, me 8 fitore, 3 barazime dhe 1 humbje nga 12 lojë të zhvilluara.