Liga e Tretë e Maqedonisë

Leshani (Ohër) – Korabi 0-2 (0-2)
Gol: Albert Kaba, Abib Klloboçishta

Arbër Kuka
Ohër, 16 Prill 2011 – Korabi tajkaloi edhe një pengesë, këtë fundjave luajti kundër ekipit nga Ohri, Leshani.

Ekipi i Leshanit njihet si një ekip i fortë në fushën e vet, ku deri në ndeshjen kundër Korabit nuk kishte asnjë humbje. Por, lojtarët Dibran, ashtu siç i kanë luajtur gjithë ndeshjet tjera e luajten edhe këtë ndeshje. Loja kolektive, pa gabime dhe të organizuar mirë bënë që të fitojnë me rezultat 0-2.

Që në pjesën e parë vulosën fitoren e merituar. Mbas disa raste të humbura për të shenuar në portën e Leshanit, erdhi moment i golit të parë. Kapiteni i ekipit, Fuat Spahiu me një krosim nga qendra e mesfushës, gjeti të lire sulmuesin Albert Kaba i cili me mjeshtëri pranoi topin dhe në të njejtën kohë shënoi golin e parë në këtë ndeshje.

Për të siguruar fitoren që në pjesën e parë, aksionet e lojtarëve të Korabit ishin të njëpasnjëshme. Një rast për të shënuar e shfrytëzoi Abib Klloboçishta, golshënuesi më i mirë i ekipit, gjithashtu edhe lojtari me më shumë gola të shënuara në ligën e tretë, jug-perëndim. Me këtë rezultat përfundoi pjesa e parë.

Në pjesën e dytë detyra e lojtarëve Dibran ishte që të mbrojnë me këtë rezultat. Mbrojtësit e Korabit u treguan të vendosur mirë në mbrojtje dhe nga eksperienca që kanë nuk lejuan që ekipi i Leshanit të shënojë në këtë ndeshje.

Në javën e ardhshme, ekipi i Korabit do pauzoje. Por me shumë interesim do ta ndjekin rezultatin e ndeshjes derbi midis Kravarit dhe Podmoçanit, vendi i dytë dhe i tretë.

Ndërsa ndeshjen e radhës, mbas dy jave, do ta luan si mysafir kundër ekipt tjetër pretedent për të fituar vendin e parë, ekipit nga Resnja, Podmoçani.

Kjo do të jetë një ndeshje shumë e veshtirë, por pregaditjet për këtë ndeshje do të fillojnë prej nesër.

Liga e Tretë e Maqedonisë

Korabi – Karaorman 3=1 (1-0)
Gol: Fuat Spahiu, Abib Klloboçishta, Albert Kaba

Arbër Kuka
Dibër, 13 Prill 2011 – Lojtarët e Korabit tani më janë në qiellin e shtatë, janë ata qe i bëjnë gjithë qytetarët Dibran të jenë krenar per ekipin e tyre, Korabin. Vazhdojnë me ndeshje të shkëlqyera, vazhdojnë të japin maksimumin dhe vazdhojnë të marin rezultate positive.

“Pacienti” i radhës ishte Karaormani i Strugës, ekip i cili sa herë luan në Dibër, tregon se është ekip shumë mirë i pregaditur. Por në këtë ndeshje nuk kishte se çka të tregojë, se të gjitha i treguan lojtarët e Korabit. Të motivuar nga spektatorët që në një kohë shumë të keqe, shiu që nuk ndaloi për asnjë minutë, kishin mbushur përsëri shkallët e stadiumit, nga tifo grupi i tyre “Sokolat”, të cilët në mënyrën e tyre treguan se ekipi i Karaormanit nuk është i mirëseardhur në qytetin e Dibrës.

Lojtarët e përzgjedhur nga trajneri i klubit, Ekuran Ushtelenca, realizuan gjithë detyrat që u ishin kërkuar.

Mbrojtja bashkë me portierin, ishin në nivel shumë të lartë. Mesfushorët organizuan dhe udhëhoqen gjithë ndeshjen në mënyre perfekte. Ndërsa edhe nga ata që pritet më shumë, sulmuesit, dhanë maksimunin duke shënuar tre gola.

Kapiteni t ekipit, Fuat Spahiu, në një aksion solo, ariti që të deportojë në zonën e reptësisë dhe shënoi golin e parë në këtë ndeshje. Në këto momente “Sokolat” festuan golin duke hedhur letra te cilat e zbardhën fushën. Përderisa mysafirët nuk arinin që të organzojnë aksione, lojtarët vendas vazhdonin të sulmojnë portën kundërshtare. Por, me golin e kapitenit mbaroi dhe pjesa e parë.

Vetëm 6 minuta kishin kaluar nga fillimi i pjesës së dytë, kur goleadori i skuadrës, Abib Klloboçishta, shënoi golin e dytë në këtë ndeshje, gol i cili u dha mundësi edhe njëherë “Sokolave” të bëjnë një festë impozante, këtë herë ndozën flakadane dhe bënë që të digjet tribuna ku qëndrojnë “Sokolat”.

Duke mos mjaftuar avantazhi me dy gola, loja e Korabit se vinte dhe bëheshte më e avancuar. Rezultat i kësaj ishte edhe goli i tretë, që u shënua nga sulmuesi tjetër, Albert Kaba.

Ekipi i Karaormanit për të mos dalur i turpëruar nga fusha e Dibrës, ariti që të zvogëlojë avantzhin në 3-1, nga një kundërsulm i shpejtë.

Ashtu siç kishin paralajmëruar, “Sokolat” me organizmin kanë filluar ta festojnë vendin e parë, vend i cili ekipin e tyre e çon në ligën e dytë.

Në ndeshjen e radhës, Korabit do të udhëtoje për në Ohër, ku do të luajë kundër Leshanit.

Liga e Tretë e Maqedonisë

Dobrusheva (Manastir) – Korabi 1-2 (0-0)
Gol: Albert Kaba, Adrian Mulladauti

Arbër Kuka
Manastir, 10 Prill 2011 – Edhe një ndeshje e mirë, edhe një ndeshje e sigurtë e ekipit Dibran, Korabi, këtë herë si mysafir në Manastir, kundër ekipit të Dobrushevës. Një fitore me rezultat minimal, por me tre pikë shumë me vlerë.

Qëllimi i lojtarëve Dibran, hyrjen në ligën e dytë, se vjen e bëhet edhe më i fortë dhe më i sigurtë. Në ç’do ndeshje tregojnë se e meritojnë vendin e parë në tabelë.

Kundër Dobrushevës, mundesitë për të fituar edhe më bindshëm ishin shumë të mëdhaja. Por prej në pjesën e parë humbën shumë raste për të shënuar gola. Disa herë sulmuesit e Korabit, Abib Klloboçishta dhe Albert Kaba, dolën përballë portës kundërshtare, por realizimi final ishte i dobët dhe në disa raste fati nuk ishte në anën e tyre. Ndërsa vendasit, vetëm njëherë rezikuan portën e Korabit.

Vlerat e ekipive u treguan pjesën e dytë. Vetem 7 minuta, sapo kishte filluar pjesa e dytë, Albert Kaba shënoi golin e avantazhit. 10 minuta më vonë u dyfishua rezultati, këtë herë protagonist i golit ishte Adrian Mulladauti.

Pas këtij rezultati, loja e Korabit u vendos në mbrojtje. Në minutat e ngelura, raste për të shënuar kishin të dy ekipet, por ekipi vendas ariti që të shënojë një gol, por gol i cili vlejti sa për statistkat e golaverazhit, sepse me rezultatin 1-2 mbaroi kjo ndeshje.

Korabi tani është edhe më i sigurtë në vendin e pare me 42 pikë, 5 pikë më shumë se Podmoçani, ekipi tjetër pretendent për ligën e dytë, i cili humbi si mysafir në Ohër, kunder ekipit të Leshanit.

Derbi i javës së ardhshme luhet në Dibër, ku Korabi do të pres ekipin e Strugës, Karaorman. Në këtë ndeshje është lajmeruar se do të fillojë festa për ligën e dytë nga tifozët e klubit “Sokolat”.

Liga e Tretë e Maqedonisë

KORABI – Vardino 2-0 (1-0)
Gol: Abib Klloboçishta, Abdul Lleshi

Arbër Kuka
Dibër, 3 Pril 2011 – Lideri i ligës të tretë jug-perëndim, Korabi arriti të sigurojë fitoren e radhës kundër ekipit nga Manastiri, Vardino. Edhe një fitore e cila e sjell edhe më afer rrugës ku ka nisur, ligën e dytë.

Edhe pse koha ishte me shi që nga fillimi i ndeshjes, sportdashësit Dibran kishin mbushur shkallët e stadiumit, gjë që tregon se as shiu nuk mundet të ndalë euforinë e qytetarëve të Dibrës, për të përkrahur ekipin e tyre që me padurim presin ta shikojnë në ligën e dytë.

Ndrësa “Sokolat”, ashtu si në ndeshjet tjera, edhe në këtë ndeshje ishin të zëshëm dhe përkrahën ekipin e tyre të zemrës deri në minutën e fundit.

Ndërsa në fushën e gjelber, lojtarët Dibran bënë një ndeshje shumë të mirë dhe aritën të fitojnë me rezultat 2-0. Abib Klloboçishta që në mimutat e para shënoi golin e avantazhit, gol i cili u lehtësoi shumë për në vazhdimin e ndeshjes. Loja më së shumti u perqendrua në mesin e fushes, por edhe rastet për të shënuar nuk mungonin.

Edhe në pjesën e dytë zhvillohej e njejta lojë, mysafirët mbroheshin ndërsa sulmsuesit e Korabit rezikonin portën e kundërshtarit. Goli i dytë erdhi nga një gofitje e lirë, të cilën me një mjeshtëri e gjuajti Abdul Lleshi , dhe çoi ekipin e tij në avantazh me dy gola, dhe me këtë rezultat përfundoi kjo ndeshje.

Liga e Tretë e Maqedonisë

Veleshta – Korabi 1-3 (0-1)
Gol: Fuat Spahiu, Albert Kaba, Drilon Koleci

Arber Kuka
Veleshtë, 27 Mars 2011 – Në xhiron e 19-të, ekipi i Korabit zhvilloi ndeshjen e radhës, në ligën e tretë jug-perëndim, kundër ekipit të Veleshtës.

Në këtë ndeshje lojtaret e Korabit udhëtuan me një vullnet të madh, të motivuar në maksimum, shkuan si lider në ligën e tretë jug-perëndim, dhe këtë gjë e vertëtuan me fitore.

Ndeshja u zhvillua në një atmosfere të mirë, gjë që u la hapësirë të dy ekipeve të zhvillojnë lojën e tyre. Të parët në avantazh kaluan lojtarët e Korabit nëpërmjet kapitenit të ekipës, Fuat Spahiu.

Në pjesën e dytë u zhvillua një futboll edhe më i hapur, që në fillim të pjesës të dytë, sulmuesi I ekipit te Veleshtës shfrytezoi një mosmarveshje nga ana e mbrojtësit dhe portierit të Korabit dhe barazoi rezultatin. Menjëherë mbas barazimit, lojtarët e Korabit kërkonin me ç’do kusht golin e avantazhit, pasi që e dinin se vetem me fitore në këtë ndeshje do të vazhdonin si lider ne tabelën e rënditjes. Me një lojë të mirë, aritën të shënojnë golin e avantazhit nëpërmjet sulmuesit Albert Kaba.

Ndërsa rezultatin përfundimtar e vulosi i posafuturi nga pankina, Drilon Koleci.

Mbas kësaj ndeshje, Korabi vazhdon të jetë lider në ligën e tretë jug-perendim, me dy pikë më shumë se ekipi nga Prespa, Podmoçani, të cilët fituan edhe ata si mysafir në këtë xhiro.

Në xhiron e 20-të, Korabi do të zhvillojë ndeshjen e radhës në Dibër kunder ekipit nga Manastiri, Vardino.

Liga e Tretë e Maqedonisë

Prespa – Korabi 0–1 (0-0)
Gol: Fuat Spahiu

Arbër Kuka
Resnje, 13 Mars 2011 – Klubi futblloistik Korabi, këtë javë ishte mysafir në Resnje ku zhvilloi një ndeshje shumë të rëndësishme me Prespën.

E rëndësishme për tu cekur është se, si mysafir në këtë ndeshje nuk udhëtuan vetëm lojtaret e klubit, por lojtarëve ju bashkangjitën tifo-grupi i tyre “Sokolat”, të cilët janë në formën më të mirë të mundshme, se përveçse organizimeve në Dibër, ata organizohen në një numër të madh edhe jasht Dibre.

Kjo ndeshje ishte shumë e rëndësishme për ekipin e Korabit, pasi që fitorja në këtë ndeshje ishte shumë me vlerë për të vazhduar garën për të fituar vendin e parë, vend i cili automatikisht të shtyn në ligën e dytë.

Që në fillim të ndeshjes u pa se ndeshja do ishte e fortë nga ana fizike përshkak se vendasit, të pamundur që ti ndërpresin aksionet e lojtarëve Dibran, ishin të detyruar të bëjnë shumë ndërpreje taktike. Aksionet dhe rastet për të shënuar sa vinin e shtoheshin, por portieri vendas ishte në formë të mire. Dhe me rezultat të bardhe (0-0) përfundoi pjesa e parë.

Në pjesën e dytë, trajneri i ekipit Korabi, Ekuran Ushtelenca, ndryshoi taktikën dhe kërkoi nga lojtarët e tij që të kërkojnë golin të parët. Këshillat e trajnerit dolën të sukseshme, nga një kundërzbritje të shpejtë, me anë te kapitenit Fuat Spahiu, aritën të shënojnë golin e avantazhit.
Gol i cili ju dha tre pikët shumë më velerë në këtë ndeshje. Mbasi që deri në fund të ndeshjes nuk u shënua asnjë gol tjetër.

Ekipi i Korabit tani është 5 pikë (një ndeshje më shumë) në avantazh nga ndjekësi i cili në këtë xhiro humbi në Veleshtë.

Xhiron e radhës Korabi është i lirë.

Liga e Tretë e Maqedonisë

KORABI – Mogilla (Manastir) 4-1 (1-0)
Gol: Abib Klloboçishta (3), Adrian Mulladauti

Arbër Kuka
Dibër, 6 Mars 2011 – Startoi sezoni në Ligën e Tretë, Jug-Perëndim, ku garon edhe ekipi i Dibrës, Korabi.

Gjithë qyteti ishte në festë, mbasi që grupi i tofozëve Dibran, Sokolat kishin marë një iniciativë që të bëjnë një marsh me moton “Të marshojmë për Ligë të Dytë”, qëllimi simbas tyre, t’ua bëjnë me dije të gjithë atyre që kanë mundësi dhe që nuk e ndihmojnë Korabin, se gjith qyteti kërkon që klubin e tyre të zemrës ta shikojnë në vendin ku e meritojnë.

Para se të filloje marshi në sheshin “Skenderbeg” bënë një atmosferë sikur të ishin në stadiumin e qytetit. Me brohoritje, këngë, flakadane dhe flamur bënë që tu bashkangjiten edhe shumë qytetarë Dibran.

Ne marsh morën pjesë mbi 500 simpatizues dhe dashamirë të KF Korabi, të cilët në mënyrë të organizuar shkuan bashkarisht në stadiumin e qytetit.

Sa i përket ndeshjes, u zhvillua në një atmosferë sportive dhe para mbi 1,000 shikuesëve. Në portën e Korabit për herë të parë mbrojti portieri Fatmir Bafto, që u muar si përforcim për gjysëm sezonin e ngelur.

Ndoshta priteshte që ekipi i Korabit të fitojë lehtë në këtë ndeshje, por kjo nuk ndodhi për shkak se ekipi nga Manastiri, Mogilla u tregua një kundërshtar shumë i pregaditur për këtë ndeshje.

Rastet për të shënuar ishin të njëpasnjëshme, ne disa raste portieri mysafir u tregua shumë i vemendshem, ndersa në raste tjera edhe fati nuk ishte në anën e Korabit. Goli i shumëpritur erdhi minutat e fundit të pjesës së parë, ku Abib Klloboçishta nga një gjuajtje dënimi nga një largesi prej 25 metra, shënoi një super gol dhe i bëri të gëzohen gjithë të pranishmit që kishin ardhur ti përkrahin lojatërt Dibran.

Në fillim të pjesës së dytë, Sokolat kishin organizuar një koreografi me flakadane, letra dhe flamuj që valviteshin dhe treguan edhe njëherë se për ata nuk ka dallim se ekipi i tyre në cilën ligë garon, në të parën apo të tretën, dhe ashtu si në pjesën e parë edhe në pjesën e dytë ishin ata që u dhanë zemër lojtarëve të Korabit për të fituar këtë ndeshje.

Mysafirët kishin ndryshuar strategji në pjesën e dytë, nga një lojë defanzive në pjesën e parë, filluan të luajnë një lojë ofanzive. Aritën të shënojnë edhe golin e barazimit, shfrytëzuan edhe gabimin e qendërmbrojtësve Dibran. Por ritmi i lojës të Korabit nuk ra, përkundrazi u bë edhe më i fortë. Adrian Mulladauti shënoi golin e avantazhit, shfrytëzoi rëmujen në zonën e reptësisë.

Mbas këtij goli ç’do gjë ishte shumë e lehtë.

Abib Kloboçishta, me shpejtësinë e tij dhjete minutat e fundit të ndeshjes shënoi edhe dy gola të tjera për Korabin. Kjo ndeshje e mirë e Korabit është rezulltat i pregaditjeve taktiko-fizike një muaj e gjysëm përpara se të fillojë sezoni me trajnerin e tyre Ekuran Ushtelenca.

Me këtë fitore Korabi kalon në vendin e parë, ndërsa javën e ardhshme do të udhëtojë në Prespë.

Për më shumë foto klikoni këtu:  http://www.facebook.com/album.php?aid=35749&id=135668879812383&fbid=176153552430582

Gëzuar

Festën e 

Kurban Bajramit

Happy

Eid ul-Adha

(Festival of Sacrifice)

Liga e Tretë e Maqedonisë

Korabi – Mlladost 4-1(4-0)
Gol: Fuat Spahiu 6′, Albert Kaba 10′, Abib Klloboçishta 20′ & 30′

Arbër Kuka
Dibër, 14 Nëntor 2010 – Ekipi i Korabit në xhiron e 15-të, e fundit për gjysëm-sezonin e parë, ishte nikoqir i ekipit nga Manastiri, Mlladost.

Ashtu si në të gjitha ndeshjet e kaluara, edhe në këtë ndeshje shkallët e stadiumit të qytetit e kishin mbushur spektatoret Dibran.

Lojtarët e Korabit treguan kualitet në këtë ndeshje, për 30 minuta lojë aritën të shënojnë katër herë. Golin e parë e shënoi Fuat Spahiu në minutin 6′ kurse katër minuta më vonë rezultatin e dyfishoi Albert Kaba. Ndersa në minutat 20′ dhe 30′ Abib Klloboçishta, nga disa aksione të organizuara mire, shenoi në portën kundershtare.

Lojtarët Dibran u treguan të mëshirshëm për ekipin nga Manastiri. Mbas shënimit të golit të katërt e ndryshuan lojën dhe deri në fund të ndeshjes lojën e përqëndruan në mesin e fushës. Minutat e fundit, rastin e vetem që e patën për të shënuar mysafiret, e realizuan dhe aritën që të shënojnë një gol në këtë ndeshje.

Në këtë ndeshje trajneri i ekipit, Ekuran Ushtelenca u dha mundësi të luajnë edhe lojtarë e ri me moshë 16-17 vjeçare të cilët treguan kualitet.

KF Korabi për gjysmë-sezonin e parë rënditet i dyti, me 1 pikë më pak se lideri i tabelës, me 8 fitore, 3 barazime dhe 1 humbje nga 12 lojë të zhvilluara.